Për të mos shtyrë ndërhyrjen kururgjikale, një pacient me koronavirus ka infektuar edhe personalin mjekësor. Ky rast ka ndodhur në Itali, ndërsa ai mund të dënohet me 12 vite burg, pasi fshehu faktin se ishte me koronavirus.
Bëhet fjalë për një pacient në Aosta, Itali, i cili nuk kishte njoftuar mjekët e spitalit “Parini” në Aosta, vetëm që ata ta operonin. Pacienti kishte punuar përpara pak javëve në një resort turistik në Aosta, ku ka pasur kontakte me shumë persona nga Lombardia.
Anestezisti kishte parë rritje të temperaturës. Pacienti iu nënshtrua tamponit të provës dhe testi doli pozitiv për COVID-19. Kryekirurgu, infermierja dhe një anestezist u diagnostikuan me COVID-19, të infektuar prej pacientit.
Italia ngelet një nga vendet më të prekura, pasi aty numri i personave që kanë humbur jetën ka shkuar në 2.158.
Së fundmi, Organizata Botërore e Shëndetësisë ka dalë në përfundimin se eqiqendra e re e koronavirusit tashmë është Europa, pasi këtu numri i personave të infektuar po rritet ndjeshëm në krahasim me Kinën.
