“Nëse kryeprokurori i ri zgjidhet vetëm me votat e mazhorancës, atëherë reforma në drejtësi është e dështuar”, deklaroi gazetari, Erl Murati i ftuar në “Tonight Ilva Tare”. Murati thotë së duhet të dëgjohen mirë deklaratat e ambasadorit amerikan, Donald Lu i cili thotë së duhet të shkëputen lidhjet e krimit me politikën.
“Nëse ky kryeprokuror vjen vetëm nga radhët e Partisë Socialiste, atëherë reforma është e dështuar. Në situatën aktuale, nëse i referohemi edhe deklaratave të ambasadorit amerikan, ai sugjeron që të shkëputet lidhjet e krimit me politikën. Me kë politikë?
Me partinë Libra që është jashtë parlamentit. Jemi në situatë, ku ambasadori amerikan ka thënë një vit më parë se Shqipëria nuk arreston Klement Balilin. Çfarë prokuroria? “Arrestoi” hotelin. Mbaroi sezoni veror. Këtu ke tre ish-drejtues policie që janë në arrati. Kemi një ish-ministër të Brendshëm që akuzohet për bashkëpunim me kriminalë. Kemi një drejtor policie që është akuzuar për shpërdorim detyre. Kemi një Shërbim Informativ që nuk ka kryetar dhe një kryeprokuror që i mbaron mandati. Mesazhi që i jepet krimit është se vazhdoni të qetë”, deklaron Murati.
