Këshilltari i presidenti francez Clement Beaune, deklaroi për gazetën gjermane ”Frankfurter Allgemeine Zeitung” se Parisi do të japë dritën jeshile për hapjen e negociatave me BE-në për Shqipërinë dhe Maqedoninë e Veriut.
”Pas largimit të Britanisë së Madhe nga BE-ja, Franca dëshiron të përqendrohet më shumë në Lindje. Pas Brexit është më e rëndësishme se kurrë që të kapërcehen mosmarrëveshjet brenda BE-së dhe të përqendrohemi në atë që na lidh”, tha Beaune.
Sipas tij, të dyja shtetet do të trajtohen njëkohësisht, pasi të arrihet një dakordësi për reformimin e BE-së. Ne do të jemi kundër faktit që Maqedonia e Veriut dhe Shqipëria të trajtohen ndaras. Kjo do të ishte në kundërshtim me dëshirën tonë për të stimuluar stabilitetin në rajon”, shtoi Beuane, raporton “ATA”.
