Pas miqësisë dhe daljes në mbështetje të Erion Veliajt, aktori Gaz Paja tashmë është anëtar i Këshillit Bashkiak të Tiranës, duke përfaqësuar PS-në.
Në intervistë me Jonida Shehun në “Soiree”, ai është pyetur për planet që ka në politikë. Aktori ka thënë me bindje se përtej angazhimit në këtë drejtim, një pjesë e rëndësishme për jetën e tij mbetet skena.
“Unë politikës nuk mendoj se i kam hyrë, dhe nuk do t’i hy ndonjëherë për vetë karakterin tim. Dua të plakem në skenë”, është shprehur Gaz Paja.
Po nëse nesër të vijnë dhe të thonë të bëhesh deputet Gazi, çfarë do t’ju thuash?, e ka pyetur më tej Jonida. Ai i është përgjigjur me një “jo” të bindur, duke e thënë hapur që nuk do të bëhet kurrë deputet.
