Komisioneri për Zgjerimin, Oliver Varhelyi ka përshëndetur ngritjen e Gjykatës Kushtetuese në vendin tonë.
Varhelyi shprehet se ky është një lajm i mrekullueshëm, dhe një arritje e rëndësishme për institucionet.
Sipas tij, kjo gjë plotëson edhe një nga kushtet për mbajtjen e konferencës ndërqeveritare për anëtarimin e Shqipërisë në BE.
“Lajm i shkëlqyer! Me emërimin e anëtarit të 6-të nga Presidenti Ilir Meta, Gjykata Kushtetuese bëhet funksionale. Arritje e rëndësishme për institucionet dhe njerëzit si pjesë e reformës në drejtësi. Kjo plotëson listën e kushteve për mbajtjen e konferencës së pare.”. shkruan Varhelyi në rrjetin social, Twitter.
#Albania: Excellent news! With nomination of 6th member by President @ilirmetazyrtar the Constitutional Court becomes functional. Important achievement for institutions & people as part of justice reform. This completes the list of conditions for 1st IGC.
— Oliver Varhelyi (@OliverVarhelyi) December 23, 2020
