Drejtori i autoritetit shëndetësor të Francës, Jerome Salomon ka publikuar bilancin e viktimave nga koronavirusi për 24 orët e fundit.
231 njerëz kanë humbur jetën në Francë në orët e fundit, duke e çuar në 1,331 numrin total të vdekjeve.
Salomon bën me dije se 86% e viktimave të shkaktuara nga koronavirusi në Francë janë të moshës mbi 70 vjeç.
Ai thekson se këto janë shifrat e personave që kanë vdekur në spital, pa llogaritur ato në azile ose spitalet jashtë
Ndërkohë numri i rasteve të konfirmuara me koronavirus në Francë ka arritur në 25,233. Nga këto vetëm 11,539 persona janë shtruar në spital ndërsa 2,827 pacientë ndodhen në kujdes intensiv.
Presidenti francez, Emmanuel Macron, ishte në Francën Lindore të mërkurën në mbrëmje pasi vizitoi një spital ushtarak urgjent të dërguar në Mulhouse, Alsace, ku ka pasur një krizë të madhe koronavirusi.
“Unë thashë që jemi të përfshirë në një luftë kundër një armiku të padukshëm, virusit Covid-19. Kur je i përfshirë në një luftë, je i mobilizuar, i bashkuar. Unë shoh në vendin tonë elementë të ndarjes, dyshime, nga ata që duan të ndajnë vendin kur duhet të kemi një objektiv dhe ky është që të bashkohemi për të luftuar virusin.
Ne nuk duhet t’i nënshtrohemi asnjë lloj informacioni të ndarë ose të rremë. Ne kemi vetëm një përparësi dhe kjo është të luftojmë virusin”, tha Macron.
