Gjatë ceremonisë së ndarjes së medaljeve në finalen e Kupës së Botës ka ndodhur një moment mjaft i turpshëm për vendin organizatori, por edhe për liderët botërorë.
Teksa po binte shi në kryeqytetin rus, të gjithë personalitetet që po ndanin medaljet si presidenti rus Vladimir Putin, presidenti i FIFA-s, Gianni Infantino dhe presidenti francez Emmanuel Macron qëndronin nën çadra.
E vetmja që nuk iu mundësua një çadër ishte presidentja kroate Kolinda Grabar-Kitaroviç, e cila qëndroi në shi përgjatë gjithë ceremonisë. Ajo ishte e vetmja femër në skenën e ndarjes së çmimeve dhe ky ishte një turp për të gjithë të pranishmit.
Kitaroviç e pa finalen e Kupës së Botës mes Francës dhe Kroacisë në tribunë së bashku me presidentin francez Emmanuel Macron dhe presidentin rus Vladimir Putin.
