Futbolli italian nuk ka qetësi, janë dy skuadra në hetim që rrezikojnë të përfundojnë në Serie B. Kur më 26 korrik pritej që të hidhet shorti për kalendarin e sezonit 2018/19 të Serie A, një ndryshim pritet të ndodhë që në zyrat e Federatës Italiane të Futbollit. Bëhet fjalë për Chievon dhe Parmën, kjo e dyta e sapo është ngjitur në elitën e futbollit italian.
Sa i takon Parma-s, akuza është për shkelje sportive në tentativë. Një akuzë që bazohet te disa mesazhe të këmbyer me lojtarët e ekipit kundërshtar para ndeshjes së luajtur me Spezia-n, që ka rezultuar vendimtare për ngjitjen e tyre në Serinë A.
Veronezët akuzohen se kanë prodhuar një bilanc pozitiv fiktiv për 25 milionë euro pas një serie këmbimesh lojtarësh më Cesena-n. Si Chievo, ashtu edhe Parma, do të shkojnë në gjyq më 17 korrik.
Tani, gjithçka është në duart e gjykatës federale kombëtare që do të marrë në gjykim pozicionet e të dy klubeve: nëse do t’i japë të drejtë Prokurorisë së Federatës Italiane të Futbollit, atëherë Seria A do të pësonte një tronditje të madhe pak ditë para hedhjes së shortit për sezonin e ri.
