Që Franca u shpall kampione bote padyshim që një meritë të madhe e ka qendërmbrojtësi Raphael Varane. Ai është një kampion i padiskutueshëm dhe me statistikat e “frikshme” ku ka fituar cdo finale që ka qenë në fushë i ka sjellë fat padyshim edhe kombëtares përballë Kroacisë në finalen e Botërorit.
Katër Champions, tre Botërorë për Klubet, tri Superkupa Europiane, dy La Liga, një Kupë Mbreti, dy Superkupa Spanjolle dhe një Kupë Bote. 16 tituj, që formojnë rekordin e një lojtari, i cili është vetëm 25 vjeç.
Fillesën këto trofe e kanë në sezonin 2011-2012 kur me Real Madridin ngriti trofeun e tij të parë, La Ligan me 100 pikë. Që nga ai sezon e mbrapa Varane cdo vit ka ngritur trofe, për ta kurorëzuar me vitin 2018 si një ndër lojtarët që ka fituar Champions dhe Botëror njëkohësisht. 233 ndeshje ka tashmë me fanellën e bardhë dhe 49 ndeshje me kombëtaren e Francës, më të cilën debutoi më 22 mars 2013.
Një fakt tjetër i çuditshëm është se në dy finale ku ka munguar mbrojtësi francez tek Real Madrid dhe kombëtarja franceze, këto ekipe nuk kanë triumfuar. Me Realin bëhet fjalë për Kupës së Mbretit, që Atletico Madrid e fitoi në sezonin 2012-2013. Ai u dëmtua vetëm një javë p[ara finales në një përballe me Espanyol dhe nuk luajti në finale. Ndërsa me “Les Bleus” ai sërish për shkak dëmtimi mungoi në finalen e Kampionatit Europian 2016 dhe aty fitoi Portugalia me rezultat 1-0 në Paris.