Në mbledhjen e radhës në Komisionit të Medias ka pasur sërish debate për sipërfaqjen e truallit ku do të ndërtohet teatri i ri. Kryeregjistruesi Valtrin Pjetri ka sqaruar se në total në këtë zonë janë mbi 2 mijë metra katëror truall shtetëror, ndërsa nuk ka detajuar të tjera të dhëna duke i konsideruar sekret.
Sa i takon pronësisë shtet është rreth 2100 metër nga një mbledhje që bëmë tani dhe janë mbledhur shifrat që ju keni në tryezën tuaj, deklaroi Pjetri.
Po për kryetaren e Komisionit Albana Vokshi kjo përgjigje është e pasaktë dhe për këtë duhen detaje.
Nuk do të sjellë asgjë, është urdhëruar mos sjellë asgjë, ju këtë e kuptoni. Unë e di shumë mirë se çfarë kërkoj dhe ne e dimë shumë mirë se ça kërkojmë. Ju nuk e dini se ku po e çoni veten, tha Vokshi.
Pas debateve të shumta opozita është detyruar të lërë komisionin duke i kërkuar kryeregjistruesit që të sjellë në komision të gjitha të dhënat e kërkuara.
