Pas kërkesës që opozita i ka drejtuar Prokurorisë, për të hetuar kryeministrin Edi Rama, në lidhje me një financim të panjohur për të cilin nuk ka asnjë informacion, sipas tyre, për një foto me Barack Obama, ka ardhur edhe reagimi i ish-kryeministrit, Sali Berisha.
I ftuar në studion e Ora News, Berisha u shpreh se me këto akuza kryeministri Rama dënohet me 5 vite burg, ndërsa shton se nuk ka besim te Prokuroria Shqiptare por vetëm te ajo Amerikane.
“Unë nuk kam besim tek Prokuroria jonë sepse kryeprokuror është Rama, por kam besim tek drejtësia amerikane, e cila pasi kryqëzoi bashkëshorten e tij, tani e ka radhën Edi Rama për dy vepra të mëdha penale, thyerja e ligjit elektoral të SHBA dhe për mashtrim, dhe këto dy dënime së bashku shkojnë të paktën 5 vjet, me lehtësira.
Të përgatitet për ishullin Alkatraz, sepse aty i kanë amerikanët burgjet, dhe atje shkon. Ata kanë prokurori dhe e çojnë”, deklaroi Berisha
