Dhjetëra fëmijë kanë dalë sot rrugëve të Tiranës bashkë me nënat e tyre, për të shijuar përkohësisht “lirinë” pas izolimit nëpër banesa prej rreth një muaji.
Kryeministri Rama njoftoi dje se nënat dhe fëmijët e moshës deri në 10 vjeç, do të kishin mundësi të dilnin për shëtitje deri në orën 11:00, të ditës së diel.
Kujtojmë se e njëjta gjë u bë edhe ditën e djeshme, por për të moshuarit. Këta të fundit nuk janë lejuar as të dalin për pazar, pasi janë konsideruar si shtresa më e rrezikuar nga virusi vdekjeprurës.
Prej më shumë se 1 muaji vendi ndodhet në karantinë, si një masë parandaluese ndaj përhapjes së virusit COVID-19.
