Mjekja e njohur Anika Dokle ka shpërndarë në Facebook-un e saj një foto prekëse. Një djalë i ri qëndron në parvazin e dritares së dhomës së spitalit, ku është shtruar nëna e tij. Menjëherë pas pune ai shkon për të parë të emën e shtruar në spital.
I pajisur me maskë, ai hipën çdo natë në parvaz dhe vështron nënën e tij, e cila është nën kujdesin e mjekëve.
“Ky djalë kërcen çdo natë, pas pune, te dritarja e dhomës ku mbahet nëna e tij e prekur nga Covid-19”, shkruan mjekja bashkëngjitur fotos në fjalë.
Shqipëria vazhdon të shënojë rritje të shifrave të të infektuarve nga Covid-19. Rastet e ndryshme kanë treguar se virusi nuk bën përzgjedhje. Ai prek çdo moshë dhe përhapet me shpejtësi.
