Në një seancë që ka nisur prej orës 10:00, ka pasur diskutime të shumta lidhur me vendimin e presidentit Meta për të shfuqizuar dekretin për zgjedhjet vendore.
Debatet kanë qenë të ashpra dhe opozita e re ka akuzuar mazhorancën se vetë e zgjodhi presidentin dhe se tashmë s’ka pse ankohet. Megjithatë, pavarësisht tonit të lartë në Kuvend, deputetët e opozitës janë parë me deputetin socialist Taulant Balla.
Ky i fundit është ulur në kafe me disa prej deputetëve e opozitës së re, siç duket edhe në foton që po qarkullon në rrjet.
Balla është ulur përkrah deputetit të opozitës së re parlamentare, Kujtim Gjuzi i cili duket se dëgjon me vëmendje teksa Balla flet.
