Arrestohen dy shqiptarë në Itali, të dy trafikantë droge. Në pranga kanë rënë shtetasit Eriseld Hoxhaj, 28 vjeç dhe Mariglen Aliaj, 20 vjeç, të dy me banim në Ragusa.
Të rinjtë u ndaluan teksa udhëtonin me një automjet me targa shqiptare në drejtim të Ragusas. Pas kontrollit të automjetit, atyre iu gjetën një sasi prej 1 kilogram dhe 100 gramë kokainë, me vlerë rreth 90 mijë euro.
Shqiptarët e kishin fshehur drogën në hapësirë të krijuar posacërisht në filtrin e ajrit, ku u gjet droga e ndarë në dy pjesë.
Shqiptarët u arrestuan dhe ndodhen në burgun e Ragusas për t’u njohur më pas me dënimin që do japë gjykata.
