Një mjet është përplasur te porta e zyrës së kancelares gjermane, Angela Merkel. Mediat e huaja raportojnë se nga ky incident, nuk ka patur të lënduar. Makina e cila kishte të mbishkruara mesazhe ndaj politikave të globalizmit dhe “vrasësve të fëmijëve dhe të moshuarve”, u përplas me portën kryesore të zyrës së kancelares.
Policia e Berlinit shkroi në Twitter se “kolegët tanë janë aktualisht në vendngjarje, në zyrën e Kancelarit së bashku me policinë federale. Një makinë është përplasur me portën e ndërtesës. Ne jemi në proces të sqarimit. Shoferi është marrë në paraburgim nga policia. Më shumë informacion do të jepet në vijim”.
Ngjarja ndodhi ndërsa Merkel kishte planifikuar të mbante një konferencë me video të kryeministrave të shtetit gjerman mëngjesin e sotëm, ku do të diskutohej një shtrirje e bllokimit dhe hapat e mëtejshëm për të luftuar pandeminë.
