Situata e pandemisë së koronavirusit në vendin tonë është përkeqësuar ndjeshëm gjatë ditëve të fundit.
Teksa shifrat rriten, spitalet dedikuar COVID-19 janë në limitet e kapaciteteve të tyre të shtretërve.
Sipas njoftimit të Ministrisë së Shëndetësisë, 378 pacientë po trajtohen në të tre spitalet Covid, duke shkaktuar një tejmbushje të spitaleve.
LSA sjell pamje nga Infektivi, ku ka një fluks urgjencash ndërsa mbi 10 ambulanca janë rreshtuar në oborr me pacientët brenda që presin të futen në spital.
Pacientët presin në ambulanca që të akomodohen më pas në ambientet brenda spitalit.
Në 24 orët e fundit u konfirmuan 490 raste pozitive dhe 7 humbje jete nga Covid-19.
