Këngëtarja Jonida Maliqi shquhet për stilin në veshje, por mbi të gjitha edhe për numrin e madh të tatuazheve në trup. Shpesh është kthyer në frymëzim për shumë femra, e ndërsa gjithmonë kujdeset që të përcjellë trendet më të fundit të modës.
Ajo ka zbuluar me anë të një fotoje, se trupit të saj i është shtuar edhe një tjetër tatuazh. Jonida i ka shtuar një tjetër tatuazh trupit të saj, të cilin na e ka treguar në Instastory.
Jonida ka shkruar në pjesën e krahut vitet e lindjes së familjarëve të saj, në formën e trungut familjar.
Teksa bënte tatuazhin, Jonidën e ka shoqëruar edhe partneri i saj, Romeo Veshaj. Dyshja është përfolur prej kohësh për lidhjen e tyre të dashurisë.
Ai publikoi një foto ku tregoi se ndodhej në të njëjtën studio, ndërsa po bënte edhe vetë një tatuazh.
