Një grabitje ka ndodhur mëngjesin e sotëm te rruga e “Barrikadave” në Tiranë. Dy persona kanë tentuar të grabisin pronarin e një pike “Exchange”, i cili po çonte çantën me para në bankë.
Madje, ata e kanë goditur 50-vjeçarin me levë. Ngjarja ka ndodhur pranë pikës së këmbimit valutor, ndërsa policia ka arrestuar në flagrancë një nga autorët, siç duket edhe në foto, identiteti i të cilit nuk dihet ende.
Autori tjetër ka arritur të largohet me paratë, ndërsa policia po vijon punën për kapjen e tij. Mësohet ndër të tjera se policia përdori altoparlantët e makinës duke u berë thirrje drejtuesve të mjeteve për t’i hapur rrugën.
