Të pakt 16 persona të akuzuar për një sërë veprash kriminale janë shpallur në kërkim nga policia në Jugperëndim të Anglisë. Kështu Crimestopper, bën të ditur se në mesin e peronave të shpallur në kërkim janë dhe dy shqiptarët Ferbent Sakaj dhe Bujar Ferati, shkruan Tirana Today.
Policia në zonën e Devon dhe Cornëall policia po kërkon Ferbent Sakajn, 32vjeçarin shqiptar që kërkohet në lidhje me trafikimin e drogës. Sakaj gjithashtu njihet me pseudonimin Giannis Papas. Policia e Devon dhe Cornwall po ndjekin në mënyrë praktike hetimet për të konstatuar vendndodhjen e tij aktuale. Policia ka për qëllim që ta arrestojë pas gjetjes së tij, raporton gloucestershirelive.co.uk.
Sipas saj, ai mund të jetë i vendosur në zonat Kingsëinford, Birmingham, Wood Green, Barnet dhe Maidstone. Policia po apelon për këdo që ka informacion për t’i ardhur dhe për të ndihmuar dhe do të ruhen kushtet e anonimitetit. Të gjithë ata që kanë dijeni për vendndodhjen e tij, policia u lutet që të kontaktojnë në 0800 555111 ose të raportojë në internet në www.crimestoppers-uk.org.
Përshkrimi i tij:
Emri i të dyshuarit: Ferbent Sakaj
Gjinia: Meshkuj
Mosha: 30 – 35-vjeç
Pamja: Brun, me flokë të zinj të shkurtër
Ndërsa shqiptari tjetër Bujar Ferati kërkohet nga Devon dhe Cornwall Police. Kur u arrestua, ai kishte gënjyer policinë dhe ata e kishin lënë të lirë. Policia beson se ai është kthyer në Shqipëri, por kushdo që ka informacion për të dhe për vendndodhjen e tij aktuale, apo nëse janë në dijeni se ai mund të jetë rikthyer në Mbretëria e Bashkuar, të japë informacione në kushte të plota anonimatet në numrin e telefonit 0800 555 111 ose duke raportuar në internet në www.crimestoppers-uk.org, shkruan Tirana Today.
Përshkrimi:
Emri i të dyshuarit: Bujar Ferati
Gjinia: Mashkull
Mosha: 35 – 40
Gjatësia: 170 – 175 cm
Pamja: I dobët, sy dhe flokë ngjyrë kafe. TIRANA TODAY
