Në media, gjatë ditëve të fundit është shkruar se emisioni i Adi Krastës ‘A-show’ do të mbyllet. Të gjitha këto aludime, kanë marrë vëmendjen e moderatorit, i cili ka shuar këto zëra. Si arsye kryesore, është përmendur fakti se Krasta ka qasje kritike ndaj qeverisë, aq sa nuk lë program pa e shfaqur.
Dje në përfundim të emisionit, gazetari u shpreh se ‘A-show’ do të vijojë sërish sezonin e ri. “Ky ishte programi i fundit. Do shihemi më 22 shtator. Deri atëherë, pushime të mbara”, shpjegoi më tej ai.
Emisioni që transmetohet çdo të hënë në News 24, në orën 21:00 ka tërhequr vemendjen e publikut për shkak te të ftuarve të përzgjedhur me kujdes nga vetë Krasta, dhe qëndrimeve të tij.
