Ish-kryeministri Sali Berisha, edhe pse nuk ishte pjesë e podiumit të folësve në protestë ai ka qenë i pranishëm në shesh, ku në një prononcim për media është shprehur se zgjedhjet e 25 qershorit ikën.
“Kjo protestë ka vendosur që kanë ikur zgjedhjet e qershorit. Ikën zgjedhjet”, tha Berisha, teksa po largohej nga protesta.
Ndërsa akuza dhe thirrje ndaj Edi Ramës për tu larguar nga posti i kryeministrit, ka qenë kryefjala e gjithë protestuesve, aleatëve të Partisë Demokratike, si dhe e kryetarit Lulzim Basha.
Kryeopozitari tha se sot vdes 25 Qershori, mbaron dhe merr fund politika që mban pushtet të vjedhur dhe të grabitur nga Edi Rama.
“Opozita dhe qytetarët vendosin një raport të ri një raport të vërtetë mes doraceve politike ,por mbi të gjitha një raport të ri mes qytetarëve të lirë dhe pushtetit të krimit. Sot vdes 25 qershori, mbaron dhe merr fund politika që mban pushtet të vjedhur dhe të grabitur. Sot vdes pushteti që nuk u përgjigjet qytetarëve dhe vullnetit të tyre. Kjo është thirrja e popullit që ju mohua liria sepse narko-qeveria e Edi Ramës . Sot e ka parë e gjitha bota dhe të gjitha shqiptarët”.
