Presidenti Ilir Meta i është përgjigjur deklaratës së ambasadores së SHBA, Yuri Kim, e cila shprehu habinë për flamurin amerikan në manifestimin e Metës. I ftuar në studion e Çim Pekës, Meta tha se nuk ka parë asnjë lajm, pasi e gjithë vëmendja e tij ka qenë tek manifestimi.
“Kam zero koment për këtë çështje”, u shpreh Meta. Shtetet e Bashkuara të Amerikës janë distancuar nga tubimi i presidentit Ilir Meta.
Ambasadorja amerikane Yuri Kim, në mbyllje të manifestimit shkruante në rrjetet sociale: “E surprizuar të shikoja flamurin amerikan në “manifestimin” e sotëm. Për të shmangur çdo konfuzion, ne duam të sqarojmë se teksa SHBA mbështet të drejtën për të protestuar paqësisht, ne nuk kemi asnjë lidhje me “manifestimin” e sotëm”.
