Fjolla Morina nuk është shtatzënë. Pritet që të nisë hetim për spitalin ose mjekun që konfirmoi për shtatzëninë e këngëtares. Burimet bëjnë me dije se ajo ka gënjyer, për ti shpëtuar dënimit.
Fjolla është rikthyer në Gjykatën e Kukësit, pasi iu nënshtrua një vizite të dytë mjekësore për të vërtetuar shtatzëninë e saj.
Këngëtarja ka dalë sot përpara gjykatës në Kukës, për t’u njohur me masën e sigurisë, por seanca është shtyrë për në orën 13:00.
Avokatja e Fjollës, Aurora Guska ka deklaruar se armët që i janë gjendur këngëtares, nuk janë armë zjarri.
Ajo ka thënë se armët e gjetura në çantë të këngëtares nuk janë armë zjarri, por njëra është pistoletë që përdoret për të trembur qentë dhe tjetra çakmak.
“Kjo pistoletë nuk është armë zjarri, por pistoletë që përdoret për të trembur qentë apo kafshët e egra dhe për të dhënë sinjal në rast rreziku, pasi bën zhurmë dhe qëllimi i përdorimit është në sport dhe ndryshe është pistoletë zhurmuese, ndërsa tjetra është çakmak”, thotë avokatja.
