Moderatorja Fjodora Fjora nuk do të jetë më në “News 24” me programin e saj “Chic”. Këtë detaj e ka zbuluar vetë ajo në programin “ABC e Pasdites”. Fjodora tregoi ndër të tjera se ajo nuk do të shkëputej nga televizioni, por po punonte për emisionin në një ekran tjetër.
“Jo, nuk jemi më në “News 24”, jemi duke punuar për emisionin tim në një ekran të ri. Do të ketë një format pak më ndryshe. Megjithatë është akoma shpejt për të zbuluar detaje”.
E pyetur nëse kjo lëvizje ka të bëjë me pagën, nëse ajo nuk ka qënë e vlerësuar ashtu siç duhej, moderatorja tha se nuk ka të bëjë aspak me këtë arsye. “Jo nuk kam pasur asnjëherë pagesa qesharake. Do të gënjeja nëse do të thosha jam paguar keq. Në të gjitha televizionet që kam punuar në respektin më maksimal dhe ditën që jam larguar prej tyre kam pasur dhe mund të jem konsideruar në pagesat më të mira të tyre televizioneve.
Në rastin tim gjithçka që përfundoi me “News 24” perfundoi sepse erdhën kohë shumë të çuditshme, pandemia, emisioni im u mbyll në mars, nuk kishte institucione të artit dhe të kulturës”, tregoi Fjodora.
