Kryeministri Edi Rama ka njoftuar se kompania e re ajrore “Air Albania” do të nisë fluturimin e saj të parë në fillim të shtatorit.
Përmes një postimi në Facebook, Rama u ka kthyer përgjigje të gjithë atyre që ishin skeptikë sa i përket kësaj iniciative, teksa shprehet se pavarësisht se premtimet e tij mund të vonojnë në kohë, prapë realizohen.
“Hë tani jepini, filloni shani e përqeshni sa të doni, si zakonisht. Po të paktën, futeni mirë në kokë, se kur unë them kjo do bëhet, është vetëm çështje kohe, pune, mundimi e durimi, por fjalën time s’e merr kurrë era”, shkruan ndër të tjera Rama.
Postimi i plotë:
AIR?ALBANIA??DREJT QIEJVE TË EUROPËS??
Nisin me Italinë në fillimvjeshtë, fluturimet e kompanisë kuqezi drejt qiejve të Europës??✈
Hë tani jepini, filloni shani e përqeshni sa të doni, si zakonisht? Po të paktën, futeni mirë në kokë, se kur unë them KJO DO BËHET, është vetëm çështje kohe, pune, mundimi e durimi, por fjalën time s’e merr kurrë era?
Dhe mos e harroni, se nga e thëna në të bërë është në mes një det i tërë; herë i ngushtë e herë i gjerë, herë i qetë e herë me trazime që të vonojnë; nganjëherë edhe me furtuna e tallaze që të ndryshojnë trajektoren, po jo qëllimin nëse nuk dorëzohesh?
Prandaj BESIM dhe DURIM miq, se do t’i bëjmë, së bashku, të tëra ato që kemi në dorë t’i bëjmë për Shqipërinë që duam????
