Futboll

Fjala cigan tërbon trajnerin serb, kërkon të përleshet fizikisht me tifozët (Video)

               Publikuar në : 14:11 - 16/05/19 Enno

Një incident i pakëndshëm i ka ndodhur trajnerit serb Sinisa Mihajlovic, pak para finales së Kupës së Italisë mes Atalantas dhe Lazios. Ish-lojtari i Lazios, është sulmuar në rrugë nga disa tifozë të cilët e kanë quajtur atë “cigan”.

Ata ia plasën në fytyrë këtë fjalë ish-futbollistit të skuadrës kryeqytetase, që tani drejton Bologna, për shkak të dëshirës së madhe për ta ofenduar, madje edhe për ta goditur. Megjithatë, Sinisha nuk është nga ata që frikësohet, përkundrazi.

Reagimi i tij nuk vonoi: Kujt i thoni ciganë ju? Dhe u nis për t’u kacafytur fizikisht, por u desh ndërhyrja e policisë, që të evitonte përplasjen e ashpër dhe me pasoja. Miha nuk qëndroi me kokën ulur para atyre që e kishin fyer, sipas medias italiane, por tentoi dyluftimin “dhëmbë për dhëmbë” me ta.

Sidoqoftë, në fund triumfoi logjika dhe e injoroi atë grup të vogël racistësh, por mjaft të zëshëm dhe me trurin e atrofizuar. Për ta ndaluar përplasjen nuk u nevojit një, por disa oficerë policie, që mbikëqyrën gjithçka.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT