Kronikë

Nëna dhe vajza zhduken pa lënë gjurmë, dedektivi: Njoftuam palën shqiptare, por…

               Publikuar në : 14:34 - 16/05/19 Enno

Policia britanike e Doncaster ka ngritur alarmin pasi prej më shumë se një muaj një nënë shqiptare 24-vjeçare dhe vajza e saj 2-vjeçe janë zhdukur. Bëhet fjalë për Sebjana Myzeqari dhe të voglën e saj Enissa, të cilat janë parë për herë të fundit  në 2 prill në Doncaster.

Sipas policisë shqiptarja që nga ajo ditë nuk ka përdorur numrin e saj të telefonit, por as kartat e kreditit, po ashtu nuk rezulton se është larguar nga Britania e Madhe, raporton BBC.

Detektivi i Yorkshire, Supt Neil Thomas tha: Myzeqari u zhvendos para tre vitesh nga Shqipëria dhe se 2-vjeçarja Enissa është e regjistruar në çerdhe. Sebjana bën një jetë shumë të izoluar dhe ka shumë pak miq në qytet.

Kemi kontaktuar me policinë shqiptare dhe ata pasi kanë bërë kërkime na janë përgjigjur se nuk kanë gjetur asnjë gjurmë prej tyre. Forcat e policisë në Britani kërkojnë që çdokush që ka informacion për to të kontaktojë në numrin 101”.

Shenja e fundit që prej tyre janë pamjet e CCTV teksa ato po largohen nga Qendra Shëndetësore Flying Scotsman, në St. Sepulcher, Gate West, të martën e 2 prillit. Policia ka shpërndarë ​​fotografi të Enissës dhe Sebjanës në zonën e Lakeside, Doncaster. /Tirana Today

Kthehu
WhatsApp Denonco ne TT