Këngëtarja shqiptare Dua Lipa ka reaguar në lidhje me sondazhin e dalë pas zgjedhjeve të djeshme, që u zhvilluan në Britaninë e Madhe.
Sondazhi në fjalë ka nxjerrë fitues kandidatin e Partisë Konservatore, Boris Johnson. Dua ka reaguar nëpërmjet një InstaStory në Instagram, duke u shprehur se zgjedhja e tij si kryeministër është një fatkeqësi e vërtetë.
“Ky është kryeministri. Çfarë fatkeqësie totale e ndyrë. Urime Angli ti me të vërtetë dështove”, shprehet ajo.
Kujtojmë se Johnson ka ngritur debate të shumta në lidhje me çështjen e daljes së Britanisë nga BE (Brexit). Mijëra qytetarë britanikë u ngritën në protesta disa javë më parë, kundër kësaj çështjeje, por Johnson duket i vendosur t’i shkojë gjer në fund.
