Aktori i humorit Ermal Mamaqi, i ftuar ditën e sotme në ‘Ëake up’ foli rreth premierës së komedisë romantike ‘2 gisht mjaltë’, ku vjen si producent dhe aktor kryesor në film.
Një ndër pyetjet që moderatori i drejtoi Ermalit kishte të bënte me deklaratën e aktorit Ervin Bejleri, teksa ky i fundit ka thënë në një intervistë se filmi është komercial, vetëm për të bërë lekë, pasi sipas tij nuk ka asnjë vlerë artistike.
Mamaqi, i cili nuk ishte në dijeni të kësaj deklarate tha se edhe gjërat komerciale kanë vlerë.
“Ervini është një djalë shumë i mirë, shumë i talentuar dhe shok i vjetër që në ‘Portokalli’. Nuk besoj ta ketë thënë me të keq. Fjala ‘komercial’ në shumë raste duket si diçka e keqe, ka krijuar një lloj imazhi të keq të gjërave që shiten.Kur gjërat shiten u humbet vlera se njërëzit thonë ‘hë se kjo shitet se është komerciale’.Por kjo s’do te thotë që gjërat komerciale nuk kanë vlerë”, pohoi Mamaqi.
