Një 38-vjeçar u vu në pranga nga policia e Fierit, pasi më datë 5 janar të këtij viti, ai aksidentoi për vdekje një 50-vjeçar.
Ngjarja ndodhi në vendin e quajtur “Vajkan”, dhe drejtuesi i mjetit u largua menjëherë nga vendngjarja.
Ndërkohë, u bë edhe ndalimi i pasagjerit në këtë mjet, shtetasit K. M., 22 vjeç, për veprën penale “Moskallëzim krimi”.
”Nga Specialistët e Sektorit të Qarkullimit Rrugor në DVP Fier në bashkëpunim me shërbimet e Policisë Tiranë, u bë kapja dhe ndalimi për veprat penale “Shkelje e rregullave të qarkullimit rrugor” dhe “Largim nga vendi i aksidentit”, i drejtuesit të mjetit, shtetasit E. Dh., 38 vjeç, banues në Tiranë dhe ndalimi i pasagjerit në këtë mjet, shtetasit K. M., 22 vjeç, banues në Tiranë për veprën penale “Moskallëzim krimi”, informon policia.
U sekuestrua në cilësinë e provës materiale automjeti tip Furgon Sprinter Mercedez Benz, që drejtonte 38-vjeçari.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme.
