“Kam dëshirë të shijoj një eksperiencë të re dhe besoj se jam gati të udhëheq një klub”, do të shprehej në janar Ronaldo. “Fenomeni” ka vendosur ti rikthehet futbollit, por këtë herë në pozitën e sipërmarrësit. Kjo iniciativë e re do të fillojë pikërisht në Spanjë, ku ka mbartur fanellat e dy ekipeve më të mëdha dhe askush nuk e urren. Këtë Ronaldo ka vendosur që ti ketë si kundërshtarë Real Madridin dhe Barcelonën.
Sipas asaj që raporton e përditshmja braziliane “O Globo”, ish-sulmuesi 41-vjeçar i “Seleçao”-s është gati të investojë në blerjen e një ekipi. Bëhet fjalë për Valladolidin, një ekip që fundjavën e ardhshme do të luajë ndeshjen “play off” për të siguruar rikthimin në La Liga.
Ndërsa nga Brazili raportohet se bisedimet janë në një fazë të avancuar dhe shumë shpejt pritet të mbyllet për shumën e 30 milionë eurosh. Njoftimit brazilian i është bërë jehonë me shumë bujë edhe në Spanjë, ku e përditshmja “AS” konfirmon akordin në parim mes “Fenomenit” dhe Carlos Suarezit, aksionarit aktual me shumicën e aksioneve dhe president i klubit kastiljan. Për Ronaldon, kjo do të ishte eksperienca e dytë në drejtimin e një klubi, pas asaj të përkohshme në Shtetet e Bashkuara me Fort Lauderdale Strikers, klub ku ishte aksionar nga viti 2014 në vitin 2017, duke zotëruar 25% të aksioneve.
