Të rinjtë e Forumit Rinor të PD-së dhe LRI-së kanë vijuar protestat para Ministrisë së Brendshme, duke kërkuar dorëheqjen e Fatmir Xhafajt nga posti.
Protestuesit kanë shfaqur një video të shkurtër të serialit “Narcos” të përshtatur në realitetin shqiptar, ata kanë kërkuar edhe largimin e kryeministrit nën thirrjet “Rama ik”.
“Burg burg burg”, “Qeveria e drogës” dhe “Rama ik” ishin thirrjet e të rinjve dhe qytetarëve që iu bashkuan protestës së pasdites.
“Tani edhe policia e shtetit do të ketë mundësi të shohë se për cilat klane punon sot”, tha kreu i FRPD-së, Belind Këlliçi, teksa shfaqej video.
