Kostaq Papa ka shpërthyer me anë të një komenti në Facebook, pas fjalës së tij në Kuvend e cila u bë virale. Deputeti i opozitës së re tha në Parlament se ai është një mashkull xhentil, dhe se femrat që ka patur në jetë, kur ka qenë me kaçurrela dhe me para, më shumë kanë pirë uiski dhe pije të mira se sa ujë. Ai shprehet se fjala e tij është nxjerrë nga konteksti dhe se ai kishte kërkuar llogari për tenderat dhe korrupsionin.
“Heqin një fjali nga konteksti dhe bëjnë futboll me të, dhe përpiqen të hedhin baltë mbi njeriun e ndershëm që kërkoi të kontrollohen tenderat e korrupsionit.
Thjeshtë rrjetet donin një rast qoftë dhe fjali xhentilese, dhe u bënë bashkë ujqër e çakenj që e kanë rrjepur këtë popull, e as duan t’ia dinë për integrimin e vendit në BE. Por vetëm ta grabitin e shqiptarët ti lënë barkthatë e bukë me listë, që ti kontrollojnë dhe të tjerët të emigrojnë!
Zoti dhe e drejta është me shqiptarët! Zoti dhe e drejta është me deputetin Kostaq Papa që s’ka prekur e nuk do prek asnjë lekë publike. E keqja e shqiptarëve vjen nga shqiptarët.
Mallkuar qofshin ata që pengojnë integrimin e Shqipërisë dhe shqiptarëve!
Zoti e bekoftë Shqipërinë dhe shqiptarët! Ky shekull është i shqiptarëve! SHQIPËRI ATDHEU IM ! Falenderoj gjithë ata që nuk pranuan të bëhen pjesë e këtij skenari antishqiptar, tradhtar e poshtërues”, thekson Kostaq Papa.
Kostaq Papa mban një profil të ulët publik. Në seancën e fundit, Papa tha se duhej që të sensibilizoheshim të gjithë me gratë, por në diskursin i tij ishte shumë seksist. Gjatë fjalës së tij ai tha se “fëmrat që kur kanë qenë me mua, kanë pirë më shumë uiski se ujë”, pasi ai kishte pasur dhe kaçurrela kur ishte i ri.
