Këshilltari kryesor mjekësor i presidentit Joe Biden i ka bërë thirrje Kinës që të lëshojë regjistrat mjekësorë të 9 njerëzve, sëmundjet e të cilëve mund të japin të dhëna të rëndësishme nëse Covid-19 u shfaq për herë të parë si rezultat i një rrjedhje nga laboratori i Wuhanit.
Dr Anthony Fauci, kreu i Institutit Kombëtar të Alergjisë dhe Sëmundjeve Infektive, ose NIAID, i tha Financial Times, se të dhënat mund të ndihmojnë në zgjidhjen e debatit mbi origjinën e një sëmundjeje që ka vrarë më shumë se 3.5 milion njerëz në të gjithë botën.
Regjistrat në fjalë kanë të bëjnë me tre studiues në Institutin e Virologjisë Wuhan të cilët thuhet se u sëmurën në nëntor 2019 dhe gjashtë minatorë që u sëmurën pasi hynë në një shpellë lakuriqësh në 2012. Shkencëtarët nga Instituti i Virologjisë Wuhan më pas vizituan shpellën për të marrë mostra lakuriqët e natës. Tre nga minatorët ndërruan jetë.
Shi Zhengli, eksperti kryesor i institutit për koronavirusin, ka mohuar më parë se kishte ndonjë infeksion në laborator, një pretendim që Fauci nuk e kundërshtoi, por tha se duhej të hetohej më tej.
“Unë do të doja të shihja të dhënat mjekësore të tre personave që raportohet të jenë sëmurë në vitin 2019. A u sëmurën vërtet dhe nëse po, me çfarë u sëmurën? E njëjta gjë me minatorët që u sëmurën vite më parë. . . Çfarë thonë të dhënat mjekësore të atyre njerëzve? A kishte një virus në ata njerëz? Çfarë ishte ajo? Ishte plotësisht e mundshme që origjina e Sars-Cov-2 ishte në atë shpellë dhe ose filloi të përhapet natyrshëm ose kaloi nëpër laborator.”, tha Fauci.
Departamenti i shtetit nuk pranoi të komentonte nëse administrata e Biden kishte kërkuar nga Kina të dhënat mjekësore.
