Drejtori i Institutit Kombëtar për Alergji dhe Sëmundje Infektive në SHBA, Anthony Fauci, ka folur në lidhje me rritjen e rasteve me koronavirus në Amerikë.
Fauci i tha senatit amerikan se ai “nuk do të befasohej” nëse do të kishte deri në 100.000 raste me koronavirus në ditë.
“Është e qartë që ne nuk jemi nën kontroll tani. Nuk mund të bëj një parashikim të saktë, por do të jetë shumë shqetësuese, ju garantoj për këtë”, tha ai.
Sipas Worldometers, Shtetet e Bashkuara regjistruan më shumë se 44 mijë raste të reja me koronavirus vetëm ditën e djeshme.
Më shumë se 10 milionë njerëz në të gjithë botën janë prekur nga koronavirusi, ndërsa mbi 510 mijë persona kanë humbur jetën. Prej këtyre, mbi 2.7 milionë raste janë regjistruar vetëm në SHBA.