Një familje prej 4 anëtarësh në Tepelenë janë izoluar në shtëpinë e tyre, pasi dyshohet se mund të jenë prekur nga koronavirusi.
Bëhet me dije se familja ishte kthyer ditën e djeshme nga Italia për një varrim. Nga analizat paraprake për koronavirus ata kanë rezultuar negativ, por gjithsesi kanë vendosur të izolohen për arsye sigurie.
Ata do t’i nënshtrohen sërish analizave, nëse shfaqin ndonjë simptomë të koronavirusit.
Për të gjithë personat që janë kthyer 14 ditët e fundit nga zonat e prekura, qeveria ka dhënë urdhër të vetëizolohen.
Deri më tani në Shqipëri janë konfirmuar në total 16 raste me koronavirus.
