Zv. presidentja e “Fundjavë Ndryshe”, Emina Cunmulaj, ka dhënë një lajm të jashtëzakondshëm në “Historia e Fundjavës” në Klan Plus, ku ka marrë përsipër të ndërtojë shtëpinë e familjes Poçi.
Arben Poçi jeton në fshatin Dardhë, Librazhd, në një çadër. Jo vetëm skamja që nuk e le të marrë frymë, por familja e tij me 4 fëmijë jeton në një çadër, ku mbi kokën e tyre bie shiu e breshëri.
Arbeni ka pësuar një incident kur ishte 2 vjeç, dhe ka humbur njërën dorë. Pavarësisht pamundësisë, ai gjatë verës mbledh bimë medicinale në mal dhe i shet.
Pak kohë më parë, Arbenin e ndihmuan disa fqinj, miq e të afërm për të ndërtuar një shtëpi. Por për shkak të pamundësive, fizike dhe ekonomike, ai nuk mundi të ndërtojë shtëpinë.
Emina Cunmulaj nuk e mendoi dy herë, por premtoi se kjo familje së shpejti do ketë një shtëpi, dhe ti jap fund jetesës në qiell të hapur.
E prekur nga kjo histori e mes lotëve, Emina tha se edhe kjo familje meriton gëzim, dhe se ndihma e saj do jetë e pakursyer.
TIRANA TODAY