Pas vendimit të Dritan Dajtit, Rama ka korrur suksesin e radhës me anë të Saimir Tahirit. Ky është vlerësimi i dhënë nga ana e ish-kryeministrit Berisha, pasi Gjykata për Krime të Rënda pranoi kërkesën e ish-ministrit të Brendshëm. Ajo i ka vendosur kohë Prokurorisë deri më 10 mars, për të vendosur përfundimisht nëse do kalojë në gjykim, apo do të mbyllen hetimet.
Berisha shkruan në Facebook se me shfaqjen e Tahirit në skenë, vjen edhe një goditje tjetër për hapjen e negociatave. Ai citon më tej se ky vendim përbën një goditje të rëndë dhe fatale për mundesinë e hapjes së negociatave me BE-në.
Në vazhdën e denoncimit, ish-kryeministri përçon mesazhin se bllokimi i arrestimit të Tahirit, ishte një nga shkaqet më madhore të mos hapjes së negociatave me BE vitin e kaluar. “Hetimi i plotë i çështjes Tahiri, mbeti një kusht i pandryshueshëm nga disa vende anëtare, për të pranuar hapjen e negociatave me Shqipërinë”, shkruan Berisha në rrjetin social.
Denonco ne TT