Menaxheri i Kompleksit ‘Taivan’ kërcënon se do të hedhë në gjyq autoritetet, për prishje imazhi dhe dëm ekonomik.
Menaxheri është shprehur për BalkanWeb, se kjo masë e marrë ka ardhur si pasojë e abuzimit me faturën nga një kamarjer, i cili është pushuar menjëherë nga puna. Sipas tij, kamerieri nuk kishte prerë një faturë me vlerë 43 mijë lekë, teksa shton se do të kërkojë gjithashtu lirimin e ambienteve të bllokuara nga tatimet.
Taivani është në pronësi të Besnik Sulës, i njohur si Beso i Taivanit, një nga njerëzit më pranë kryeministrit Edi Rama dhe vëllait të tij Olsi. Lajmin për bllokimin e barit dhe restorantit e bëri me dije zv.kryeministri Erion Braçe.
Kujtojmë se bllokimi aktivitetit të këtij biznesi erdhi pas një aksioni të tatimorëve, të cilët konstatuan se asnjë tavolinë nuk kishte faturë.
