Vetëm pak muaj na ndajnë nga Euro2021 dhe duket se pandemia po vazhdon të bllokojë ndeshjet e Kampionatit Evropian. Dublin,Glasgow dhe Bilbao mund të humbasin të drejtën për shkak të pandemisë.
Këtë vit Euro2021 do të luhet në 12 qytet në 12 vende evropiane, por UEFA po merr në konsideratë mundësinë për ta ndryshuar planin fillestar për shkak të pamundësisë për të lejuar praninë e tifozëve në disa impiante.
Krerët më të lartë të futbollit po mendojnë të ndryshojnë formatin,pasi kërkojnë me çdo kusht që në stadiume të ketë një numër të caktuar tifozësh, ose më saktë të paktën 25% të kapacitetit tyre.
Aktualisht, ndeshjet e garave kombëtare në Europë po luhen me dyer të mbyllura. UEFA është e gatshme të heqë nga lista disa impiante, që nuk mund të garantojnë një numër të caktuar spektatorësh gjatë zhvillimit të Europianit.
