Tërmet i fuqishëm godet sërish Greqinë, qytetarët dalin jashtë banesave (Video)

Një tjetër tërmet i fuqishëm me magnitudë 5.1 i shkallës Richter ka goditur Greqinë para pak minutash.

Epiqendra ka qenë 46 kilometër në veri-perëndim të Larisës, ndërkohë që lëkundjet kanë qenë të forta për shkak se goditjet kanë qenë në sipërfaqe. Nuk kanë munguar as tërmete të tjera më të vogla, me magnituda nga 3 deri në 3.7 ballë të Shkallës Rihter.

Qytetarët e Elassonas kanë dalë të gjithë nga shtëpitë e tyre, pasi janë ndjerë tepër të frikësuar.

Më herët gjatë pasdites së sotme, Greqia u shkund nga një tërmet i fortë me magnitudë 6 ballë të shkallës Rihter.

Thellësia e lëkundjeve sizmike ishte 10 km, ndërsa epiqendra 29 kilometra nga qyteti i Larisës, atu ku një ditë më parë u regjistrua një tjetër tërmet me magnitudë 6.

Ndërkohë, lëkundjet sizmike janë ndjerë edhe në disa qytete të Shqipërisë, konkretisht në Tiranë, Fier, Korçë dhe Pogradec.