Ndeshja Shqipëri-Francë e cila do të luhet në 17 nëntor rrezikon të mos zhvillohet në stadiumin e ri “Arena Kombëtare”. Sipas RTSH-së, të dërguarit e UEFA-s kanë kritika për stadiumin dhe mund të mos japin “ok” që ndeshja të luhet në Tiranë.
Problemet më të mëdha lidhen me çështjet teknike që kanë të bëjnë me prodhimin e sinjalit, transmetimin e ndeshjes dhe akomodimin e komentatorëve e gazetarëve.
Mësohet se i pranishëm në këtë ndeshje do të jetë edhe presidenti i UEFA-s, Alexander Ceferin, por jo vetëm. Mediat franceze shprehen se ka shumë mundësi që presidenti i tyre, Emmanuel Macron të jetë i pranishëm në ndeshjen për EURO 2020.
Kujtojmë se ishte presidenti i FSHF, Armand Duka, ai i cili premtoi se sfida e 17 Nëntorit kundër Francës do të luhet në “Arenën Kombëtare”. Por duke qenë se punimet nuk kanë mbaruar akoma, kjo gjë edhe mund të mos realizohet.
