Ish-zv.ministri i Arsimit, Taulant Muka ka reaguar ashpër ndaj ministres aktuale të Arsimit, Besa Shahini, pas deklaratës së kësaj të fundit në Kuvend, në lidhje me Akademinë e Shkencave.
Përmes një postimi në Facebook, Muka e cilëson Shahinin si një rrezik kombëtar që duhet të largohet menjëherë nga posti i ministres.
“Ligji i ri për Akademinë e Shkencave të Shqipërisë hap rrugën e krijimit të një akademie shqiptare në rajon, që federalizon nën një ombrellë akademitë shqiptare. Duhet votuar kundër Dekretit të Presidentit që të mundësohet ky zhvillim i rëndësishëm për promovimin e vlerave më të mira intelektuale shqiptare”, është citati i vendosur nga ministrja Shahini mbi videon e fjalës së saj në Kuvend.
Bazuar në këtë citim, Muka shprehet i irrituar se është turp të përfaqësohesh nga një ministre e cila sipas tij, nuk di të flasë as shqip.
Postimi plotë:
Injoranca po vret diturine ne vend, po vret te ardhmen e te rinjve. Eshte turp dhe krim te perfaqesohesh ne drejtimin e institucionit me te rendesishem te dijes nga nje person qe nuk di te shkruaj shqip (ombrelle, federalizon?!), dhe qe nuk lexon, dhe nuk perditesohet me zhvillimet ne shkence. Kjo ministre duhet larguar sa me shpejt nga Ministria e Arsimit pasi eshte rrezik kombetar. Po po, rrezik kombetar! Ne cilin vend te botes ka federate te Akademise se Shkencave?
