E diel, 28 Nëntor, 2021
13.5 C
Tirana

“Është klubi që dua”, Messi mendon për kthimin te Barcelona

Lionel Mesi ishte një nga blerjet e bujshme në merkaton verore teksa u transferua nga Barcelona në Paris për të luajtur me këta të fundit. Gjatë një interviste për iberiken “Sport”, ylli argjentinas ka folur edhe për largimin nga katalanasit, por edhe me idenë e jetesës pa Barcelonën:

Nga Barcelona në Paris – “Ishte një ndryshim i madh që, siç thashë në atë kohë, nuk e imagjinoja. Për fat të mirë, unë tashmë jam i vendosur, fëmijët janë tashmë në shkollë, pak a shumë jemi të pozicionuar në rutinën e përditshme. Ne jemi të lumtur.”

Jeni mësuar me idenë e largimit nga Barça? – “Po, edhe sot e kësaj dite, kur i shikoj ndeshjet, më bën të ndihem i tillë ose më bën të dëshiroj, ose më kujtohen gjëra nga ndeshjet në ‘Camp Nou’, me tifozët. Jam duke rijetuar pak nga gjithçka që ishte. Tani, jam më i qetë, më i asimiluar dhe padyshim, mendoj për gjithçka kam këtu dhe për atë që vjen në aspektin sportiv dhe familjar. Ne po shijojmë edhe këtë qytet, i cili është i mrekullueshëm pavarësisht motit.”

A do të kishit luajtur falas? – “E vërteta është se, bëra gjithçka që ishte e mundur për të qëndruar, kurrë në asnjë moment nuk më kërkuan të luaja falas. Më kërkuan që të ulja rrogën me 50% dhe e bëra pa problem. Ne ishim në gjendje të ndihmonim më shumë klubin. Dëshira imja dhe e familjes sime ishte të qëndronim në Barcelonë. Askush nuk më kërkoi të luaja falas, por në të njëjtën kohë më duket se fjalët që tha presidenti nuk janë me vend. Fjalët e Laportas më lënduan sepse mendoj se ai nuk kishte nevojë ta thonte këtë, është njësoj si të të heq topin dhe të mos marrësh përsipër pasojat e tij, ose të marrësh përgjegjësinë për gjërat. Kjo i bën njerëzit të mendojnë ose gjeneron një lloj dyshimi që unë mendoj se nuk e meritoj. Nuk kam folur më me Laportën”.

Barcelona aktuale – “Barcelona është një skuadër e shkëlqyer, luan shumë mirë. I shoh sa herë që mundem. U shfaqën lojtarë të rëndësishëm dhe shumë të mirë, siç është rasti i Gavit. Në nivel ekipi janë mirë. Me rikthimin e Agueros dhe Dembelesë, nëse ai kthehet në formën optimale, ata do të jenë një ndihmë e madhe për ekipin.”

Marrëdhënia me ish-shokët e skuadrës – “Flas shpesh me Agueron, i cili nuk ishte thjesht shok skuadre, por një mik i madh. Me Busketsin dhe me Zhordi Alban flas shpesh.”

Zhgënjimi nga ish-shokët e skuadrës – “Nuk jam i zhgënjyer, sepse i njoh përmendësh të gjithë. Ata ishin pranë meje dhe më mbështetën në çdo moment.”

Rikthimi te Barcelona? – “Po, gjithmonë kam thënë se do të doja të ndihmoja klubin në çfarëdo mënyre. Do të doja të isha në të ardhmen në rolin e drejtuesit teknik. Nuk e di nëse do të ndodhë te Barcelona apo jo. Nëse ka mundësi do të doja të kontribuoja sa më shumë që të mundem sepse është klubi që dua”. /PanoramaSport.al

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...