Ervin Salianji: Jemi në tepricë drejt marrjes së mandatit të 6 në Korçë

Ervin Salianji: “Si koalicion jemi 2 mijë vota para PS dhe  jemi në tepricë drejt marrjes së mandatit të 6. Në kemi tejkaluar objektivin. Ka një rënie të dukshme të PS dhe janë numëruar bastionet e PS. Sapo ka përfunduar Kolonja që PS në rastin më të keq ka marrë 4300 vota dhe sot është mbyllur me 3600. Ne kemi një rritje me 1200 vota në Kolonjë, ka rënie të PS dhe rritje të PD.

Ne po tentojmë dhe do ta marrim mandatin e 6. Pak i duhet edhe LSI për të arritur mandatin e parë, për të arritur në fitore spektakolare në Korçë”, tha Salianji për News24.