Ju ka ndodhur që të ndesheni me një erë të rëndë në autobus? Gjithkujt i ka ndodhur, por në Rumani është marrë një masë drastike. Të gjithë personat të cilët veshin rroba të pista, e që nuk mbajnë higjenën, menjëherë do të gjobiten.
Në qytetin Kluz në Rumani shumë njerëz janë ankuar, pasi në autobuza gjenden shumë njerëz me rroba të pista, të cilët mbajnë erë të keqe.
Sipas ligjit të ri, të gjithë personat që veshin rroba të pista do paguajnë gjobë nga 21 deri në 42 euro. Kryebashkiaku i qytetit deklaroi se kjo është thjesht një përpjekje për të reduktuar të alkoolizuarit dhe njerëzit që nuk lahen.
Shumë studentë dalin natën, dhe kur hipin nëpër autobusa vijnë erë alkool, gjë që bezdis pasagjerët e tjerë.
