Presidenti turk, Recep Tayyip Erdogan, ka zhvilluar ditën e sotme një vizitë zyrtare në Hungari.
Në fjalën e tij gjatë një konference shtypi që u mbajt në Budapest, Erdogan kërcënoi me hapjen e portave të Evropës për refugjatët sirianë të vendosur në Turqi.
“Me ose pa mbështetje ne do të vazhdojmë të presim refugjatët sirianë, por deri në një pikë (…) Nëse konstatojmë se kjo nuk funksionon, ne nuk do të kemi zgjidhje tjetër përveç hapjes së portave drejt Evropës. Turqia ka pritur më shumë se katër milionë refugjatë, prej të cilëve 3,6 milionë sirianë të larguar nga konflikti që ka goditur vendin që prej vitit 2011. Është e mundur që një numër i madh prej tyre të emigrojnë në Evropë”, tha ai.
I pranishëm në konferencë ishte edhe kryeministri hungarez, Viktor Orban.
