Gjatë natës, në parkimin e një hoteli në Vlorë është djegur një automjet luksoz. Mësohet se makina është në pronësi të një shtetasi nga Maqedonia, i cili është emigrant në Gjermani.
Lidhur me rastin në fjalë, vetë pronari i mjetit, Burim Zyberi ka thënë se nuk ka dyshime dhe as konflikte me asnjë person, dhe se në Vlorë kanë ardhur me pushime prej 4 ditësh.
Zjarri është shkaktuar në mënyrë të qëllimshme. Para grupit hetimor, ai mësohet të ketë mohuar se ka pasur konflikte me njeri.
“Unë jam nga Maqedonia. Kam ardhur për pushime në Shqipëri, ka katër ditë. Dhe ja, ka ndodh kjo.
Më kanë djegur automjetin. S’kemi dyshime, s’kemi zënka, s’kemi asgjë me askënd.
Jetojmë në Gjermani dhe kemi ardhur për pushime. Është shumë keq të ndodhin këto. Policia po heton dhe kamerat e sigurisë. Kanë kapur çfarë ka ndodhur”, mësohet të jetë shprehur ai.
