Kryetari i Partisë Demokratike, Lulzim Basha, një ditë pas vizitës që zhvilloi në Gjermani, shpjegoi se ky shtet e vendos theksin në ngritjen e SPAK. Basha ka zbuluar se fokusi i këtyre takimeve ka qenë çelja e negociatave, dhe integrimi në Bashkimin Europian. Ai ka renditur disa pika, sipas së cilit, janë kërkesa të qarta për Shqipërinë.
Në një bashkëbisedim me gazetarët në selinë blu, Basha paralajmëroi mazhorancën se do të dështojë në çdo iniciativë për ndryshime kushtetuese, për të marrë kompetencat e institucioneve të reja kushtetuese. Ashtu si Presidenti, edhe Basha në emër të opozitës tha se do të bëjnë gjithçka për të mbrojtur Kushtetutën dhe demokracinë e vendit.
“Mesazhet që sjell nga këto dy takime, janë mesazhe shprese për Shqipërinë. Fokusi i dy takimeve ka qenë tek mbështetja totale e Shqipërisë në Europë, çeljes së negociatave dhe anëtarësimit në BE.
U shpreh mirënjohje për këtë qëndrim të palëkundur. Siç çdo proces nuk është një proces i lehtë, por që kalon përmes përmbushjes së kushteve dhe kritereve. Theksi që kanë vendosur drejtuesit e BE, dhe takimet që ka pasur ka qenë tek përmbushja e kushteve nga ana e Shqipërisë. Kjo nuk është diçka e re.
-Hartimi pa vonesë i Reformës Zgjedhore, duke vënë theksin tek vullneti politik. Që do të thotë që çdo ndryshim nuk kanë vlerë, nëse nuk ka mekanizma që do të sigurojnë zbatimin.
-Ngritja e Gjykatës Kushtetuese
-Papajtueshmërinë totale, me blerjen e votave dhe ata të hetohen në mënyrë të suksesshme dhe të çohen aty ku e kanë vendin. Zbatimin e ligjit të dekriminalizimit, dhe nxit ngritjen e SPAK dhe BKH.
-E papranueshme lufta kundër krimit. Dhe shpreh nevojën urgjente që këtu të kemi ndërtimin e një regjistri bindës të paralizimit, dhe çuarjes dhe dënimit të autorëve duke përfshirë politikanë dhe bandat.
-Ligji për administratën publike.
-Rrugëdalja nga kriza ekonomike. Erdha duarplot me mbështetje me ekspertizë të CDU dhe korporatave gjermane. Që shohin te Shqipëria një potencial të pashfrytëzuar, dhe janë të gatshëm të bëjnë atë që kanë bërë në Serbi, të orientojnë transformimin e ekonomisë. Ky nuk është një proces me një kah, por edhe Shqipëria do të bëj punën e saj. Kështu të rinjtë nuk do të kenë nevojë që të largohen nga vendi, po të ketë mundësinë për t’u punësuar në vendin e tij/saj me një pagë dinjitoze”, shprehet Basha.
